Kristiano Ronaldo vazhdon të pushtojë faqet e para të gazetave evropiane. Sigurisht që e meriton një gjë të tillë, pasi është blerja më e shtrenjtë në historinë e futbollit. Për të u paguan 93 milionë euro dhe një shifër e tillë të imponon respekt. “Reali është një skuadër e jashtëzakonshme dhe jam i bindur që do arrijmë të fitojmë titullin kampion në Spanjë dhe të sigurojmë finalen e Ligës së Kampioneve. Tashmë dua që të fitoj Champions-in me një skuadër tjetër. Me ekipin që ka krijuar, Florentino Perez ka bërë që kampionati spanjoll të jetë më prestigjioz se ai anglez”, tha Kristiano Ronaldo. Ndërkohë, përsa u përket blerjeve të reja dhe shokëve të rinj të skuadrës, ai tha: “Karim Benzema është një sulmues shumë i talentuar dhe që di se si shënohet. Do të jetë shumë i rëndësishëm në skuadër dhe unë mezi po pres që t’i jap sa më shumë asiste. Ky do jetë roli im dhe do mundohem ta bëj sa më mirë. Kakà? Jemi të dy futbollistë të mëdhenj dhe që kemi fituar shumë trofe. Së bashku do mundim çdo kundërshtar”, shtoi ylli portugez.
burimi marre nga panorama.com.al
Nessun commento:
Posta un commento