“Solla Flamurtarin në Europë, tani do e kualifikoj”

Fantazisti Zeqiri shënoi në shtesë kundër Tiranës në Kupë: Bëra detyrën, ky që vjen do të jetë sezoni im. Duke filluar nga Liga e Europë
Fantazisti i skuadrës të Flamurtarit, mesfushori Hair Zeqiri është duke u stërvitur fort për të fituar atë formë sportive, që sipas tij do të bëjë të mundur që sezonin e ardhshëm të bëjë një paraqitje edhe më të mirë. Edhe pse sezoni kaluar i ka dhuruar këtij futbollsti të drejtën që të krenohet shumë me atë gol të artë që shënoi për Flamurtarin në finalen e Kupës, përsëri vetë Zeqiri e ndien veten të motivuar për të ardhmen e tij kur shprehet me shumë besim se: “Ky do të jetë sezoni im”.
-Si ndihet Zeqiri, me ngarkesën që ka marrë gjatë përgatitjeve përpara Ligës Europiane?
-Edhe pse duhen dhe pak ditë për të mbyllur ciklin e kësaj përgatitjeje speciale, më vjen mirë që shumë ndryshe nga viti i kaluar, ndihem plotësisht i gatshëm për të ndihmuar skuadrën time në agazhimet e saj më të afërta. E thënë qartë nga këto përgatitje do të dal edhe më i angazhuar dhe motivuar, për të bërë atë prezantim që i kam vetes time si objektiv për sezonin e ardhshëm.
-Mund ta bëni të njohur këtë objektiv ?
-Të ndihmoj Flamurtarin për të kaluar në turin e tretë të Ligës Europiane, t’i shërbej skuadrës time për të bërë një paraqitje ndryshe dhe me shumë ambicje në sezonin e ardhshëm dhe në kuadrin personal të arrijë në ato nivele përfaqësimi që unë dëshiroj.
-Që kjo e fundit më konkretisht do të thotë se...
-Që “bilancet” dhe llogaritë në planin personal në fund të sezonit të njohin rritje dhe shumë ndryshim. Kështu unë me kontributin tim tek Flamurtari do të synoj të rritem edhe më tepër se deri tani si futbollist.
- Ndoshta kjo ju shtyn të kërkoni edhe një ftesë nga trajneri ekipit kombëtar, Kuzhe?
-Kjo qëndron brenda objektivit tim personal për sezonin e ardhshëm. Unë mendoj se pas përvojës që kam marrë në rradhët e ekipit kombëtar U-21, është momenti për ta kërkuar një gjë të tillë. Kam besim se në të ardhmen, me punën që po kryej, krahas shërbimeve që do t’i bëj skuadrës time të Flamurtarit, do të synoj të fitoj edhe besimin e trajnerit Kuzhe.
-Pak muaj më parë është folur për largimin tuaj jashtë vendit...
- Jam pak në dijeni të kësaj “zhurme”, që duhet thënë se është e njëjta gjë si edhe vitin e kaluar. Nuk e mohoj që ka interesim nga menaxherët për një kalim të mundshëm në një nga kampionatet e huaja, por unë kamë kërkuar që gjithçka të kryhet vetëm zyrtarisht duke njohur si faktor klubin e futbollit Flamurtari. Ndoshta këto janë plane për të ardhmen, sepse tani më intereson më tepër ekipi i Flamurtarit.
-Ju bëni pjesë tek ata që besojën se Flamurtari do të kalojë në turin e tretë të Ligës Europiane?
-Nuk e teproj që në këtë rast të them se jam nga të parët në skuadër që jamë shprehur optimist për këtë. Ajo që më bën të kem besim, është fakti se skuadra jonë ka një përvojë dhe traditë të mirë në këtë drejtim dhe janë të gjitha kushtet dhe mundësitë që historia të përsëritet edhe kësaj radhe në Vlorën tonë sportive.
-Mos vallë është pak shpejt për tu shprehur kështu?
-Sot në mbrëmje ne do ta njohim se kush është kundështari ynë. Por kur mendon se pas një jave ndeshja e parë do të jetë në fushën tonë, nuk ka përse të mos ndihemi mirë dhe të motivuar, kushdo qoftë kundërshtari i Flamurtarit, se fitorja do t’i përkasë vetëm ekipit tonë. Madje unë kam një bindje se rezultati ndeshjes së parë do të na ndihmojë shumë për të kaluar në turin e tretë.
-Si ndiheni kur ju thonë se goli shënuar nga ju në ndeshjen finale të Kupës ka kthyer Flamurtarin pas shumës viteve në Europë?
-Përtej këtyre përgëzimeve dhe komenteve të shumta për atë gol të shënuar, që solli pas 21 vjetëve këtë trofe në qytetin tonë, unë në çdo rast kam vetëm një përgjigje; kamë kryer vetëm detyrën ndaj Flamurtarit tim dhe tifozerisë të tij të jashtëzakoshme.
- Ju bezdisin kur ju thonë se ju jeni fatazisti skuadrës ?
-Është roli në skuadër dhe mënyra se si unë e përdor topin që i shtyn tifozët dhe shtypin të më flasin shesh herë me këtë gjuhë. Kjo është e drejtë e tyre të veprojnë në këtë mënyrë, kurse unë kamë për detyrë t’i shërbej ekipit me mënyrën time më të mirë, të luajturit me topin .
- Nga skemat që po zbaton Memushi duket se jeni më pranë portës kundështare...
-Kjo do të më ndihmojë që të kërkoj të shënoj më shumë gola. Sezonin e kaluar, dëmtimi që pësova më mbajti disa muaj larg skuadrës dhe më ka lënë borxhli ndaj skuadrës në këtë drejtim. Le të besojmë se edhe fati do të jetë me mua sezonin e ardhshëm për të shënuar sa më shumë gola.
-Përse vazhdoni të mbani fanellën me numrin 19?
-Arsyeja është se kur kam marrë vendin e titullarit në skuadër sapo kisha mbushur 19 vjeç. E kisha si preferencë këtë gjë, ndaj kam vazhduar kështu edhe sezonet e tjerë. Për mua ky numër do të thotë shumë në çdo kohë.
-Cili është mesazhi që përcillni për tifozët vlonjatë?
-Pas shumë viteve është realizuar ëndrra e tyre për ta parë Flamurtarin në Evropë. Për të bërë të mundur që skuadra jonë të bëjë atë paraqitje që premtohet në këto ndeshje duhet pa asnjë dyshim mbështetja e madhe e tyre. Ata e kuptojnë shumë mirë detyrën e tyre, por dhe ne ju japim besimin tonë për një paraqitje sa më të mirë.
burimi i marre nga sportekspres.com.al