Litmanen e merr seriozisht “Në futboll ndodh gjithçka”

Lojtari i njohur finlandez nuk do ta ketë për herë të parë, sot zbritjen në “Qemal Stafa”
Ai është njeriu që ndoshta vrapon më shumë në stërvitjen e Lahtit. Madje, edhe pse është 38 vjeç, Jari Litmanen duket sikur është 18. Nuk është i qeshur, madje është shumë serioz thuajse gjatë gjithë stërvitjes. Bën pak fjalë kur e përfundon atë, pasi sipas tij “e si tia bëj që t’I shikoj vijat e fushës”, por në fund të fundit ia sqarojnë që një ndeshje zyrtare nuk mund të luhet pa vijëzime. Më pas ai është i gatshëm për të folur për gazetarët shqiptarë. Ish-lojtari i njohur i Ajaksit, Barcelonës dhe kombëtares finlandeze do të zbresë jo për herë të parë në “Qemal Stafa” (ka zbritur njëherë me Finlandën) sot dhe do të kërkojë të bëjë atë që di më mirë, liderin.
- Fitore 4-1 në Lahti, a mund të quhet ndeshja nesër (sot) thjesht formale?
- Jo. Unë jam nga ata lojtarë që nuk e konsideroj formale një ndeshje. Në një ndeshje, çfarëdo qoftë ajo, duhet të hysh në fushë për ta fituar dhe duhet të japësh më të mirën. Unë kështu jam mësuar të paktën. Pra, nuk mendoj fare se rezultati atje, 4-1 ka mbyllur gjithçka. Unë harroj rezultatin e një ndeshjeje pasi ajo përfundon. Pra, edhe ndeshjen e parë e kam harruar. Jam i fokusuar tek kjo e sotmja?
- Sa e njihni tani Dinamon?
- Nuk është se e njoh shumë. Në fakt ishte një skuadër jo e keqe në Finlandë. Por, nganjëherë varet edhe si merr një ndeshje mos e harroni këtë.
- Pra, mendoni realisht se ka shanse që Dinamo të fitojë 3-0 ndaj jush?
- (qesh) Gjithçka mund të ndodhë në futboll. Ashtu si edhe në jetë, edhe këtu nuk ka asgjë të sigurtë.

burimi i marre nga sportekspres.com