Presidenti i Vllaznisë, Fushaj: “Kjo, një ndeshje shumë e rëndësishme për të ardhmen e klubit”
Ndeshja e sotme në mes Vllaznisë vendase dhe Sligo Rovers të Irlandës që do të luhet në orën 20.00, po pritet me një interesim mjaft të madh nga ana e sportdashësve shkodranë. Ndonëse Vllaznia ka fituar në transfertë me rezultatin 2-1, në kampin kuqeblu nuk ndihet qetësi për ndeshjen e kthimit. Në bisedat me futbollistët, trajnerët e drejtuesit e klubit nuk është e vështirë të kuptosh preokupimin maksimal që ato shfaqin përpara kësaj ndeshjeje, që për ta është shumë e rëndësishme, pasi varet edhe fati i kualifikimit në turin e dytë të Ligës Europiane. Teksa i pyet për rezultatin, askush nuk të përgjigjet drejtpërdrejtë, duke mos parapëlqyer të japin parashikime. Kualifikimi ndaj Sligos arrihet, qoftë me një humbje minimale, nja barazim pa gola, apo qoftë edhe me gola, e natyrisht edhe me fitore, por megjithatë, asnjëri prej tyre nuk merr përsipër të thotë, për njërën apo tjetrën alternativë. Thuajse tek të gjithë gjen të njëjtën përgjigje: “E rëndësishme është që të kualifikohemi, pasi nuk do të jetë aspak e lehtë përballë një kundërshtari të tillë britanik, në formacionin e të cilit ka kualitete”. Në një farë mënyre, këtë frymë përmban edhe intervista që presidenti i Vllaznisë Valter Fushaj dha për “Sport Ekspres” mbrëmjen e djeshme, 24 orë përpara fillimit të ndeshjes.
-Zoti Fushaj, dukeni jo pak i preokupuar në këtë prag ndeshje përballë Sligo Rovers...
-Është e vertetë. Nuk kam aspak qetësi. Është një ndeshje për mendimin tim shumë e fortë dhe jo pak e vështirë për tu kaluar me sukses. Kemi përballë një rival shumë të fortë, nivelin e të cilit e pamë më së miri një javë më parë në Irlandë. Është e vertetë që fituam, madje edhe me meritë, por të mos harrojmë se si asnjëherë tjetër na ka ndihmuar fati në këtë ndeshje, pasi lojtarët irlandezë patën shumë raste shënimi në portën tonë që fatmirësisht shpëtuam pa pësuar gol. Është kjo arsyerja që i kam kërkuar skuadrës që të ketë shumë kujdes për ndeshjen e sotme, pasi vetëm në këtë mënyrë mund të arrijmë të realizojmë objektivin tonë të kualifikimit në turin e dytë.
-Me atë që thoni ju, duhet shumë kujdes, apo keni edhe frikë nga skuadra irlandeze?
-Absolutisht që frikë nuk kemi. Natyrisht, kjo kuptohet në aspektin sportiv, pasi një gjë të tillë e kemi treguar edhe në ndeshjen e parë, por unë mendoj se duhet të jemi shumë të vemendshëm dhe tepër të kujdesshëm, në cdo sekondë dhe cdo minutë të lojës që të mos përsërisim gabimet e kampionatit. Vetëm një përkushtim i tillë maksimal, larg çdo euforie të rezultatit të ndeshjes së parë mund të na çojë në realizimin e objektivit për ta kaluar këtë tur.
Sidoqoftë, fitorja 2-1 në transfertë, është një avantazh jo i vogël për sot. Si mendoni ju?
-Po, ashtu mendoj edhe unë, avantazh është padiskutim, madje shsumë i madh, por nëse nuk përkushtohesh maksimalisht edhe në këtë përballje të dytë, gjithçka mund të bëhet e pavlefshme. Të gjithë duhet të jemi të vetëdijshëm pasi jemi përpara një suksesi jo të vogël. Kalimi në turin tjetër, ku shorti na vendos përballë Rapidit të Vjenës, shërben për të ardhmen e klubit duke qenë në interes të të gjithëve, prandaj është e nevojshme që përqëndrimi ynë të jetë maksimal në ballafaqimin e sotëm.
-Meqë përmendët Rapidin, keni filluar të mendoni për të?
-Të them të drejtën, për momentin nuk mendoj asgjë, përveç kalimit me sukses të ndeshjes së dytë. Ka ditë që mendoj për këtë ndeshje, pasi e shikoj shumë delikate duke i druajtur ndonjë nënvleftësimi të mundshëm që mund të vijë nga avantazhi i ndeshjes së parë. Për ta vertetuar këtë, mund t’ju them se nuk kam bërë asnjë rezervim vizash, asnjë lloj prenotimi për bileta, për arsyen e thjeshtë se na duhet përqëndrim maksimal ndaj Sligos, pasi për to më pas ka kohë të mjaftueshme në dispozicion, ashtu siç e bëmë edhe në ndeshjen e kaluar, që edhe pse distanca ishte shumë e largët dhe e lodhshme e kryen me sukses. Kjo, përsa i përket organizimit, pasi në aspektin teknik është trajneri Lika që merret me këtë punë.
- Të futemi më drejtpërdrejtë në ndeshjen e sotme. Do të keni dy mungesa titullarësh në fushë, Grimën me të kuqe dhe Osjen e dëmtuar...
-Përsa i përket Osjes, unë mendoj se edhe mund të bëhet i mundur për të luajtur nga minuta e parë, kurse shqetësimi i Grimës është në një farë mase, por do të thoja se nuk do të luajë rol, për arsye se Bishani e ka treguar veten në ndeshjet e vitit të kaluar me Koperin, me të cilin jemi kualifikuar.
-Morët një iniciativë për të sjellë Fatmir Vatën në Shkodër, por me sa duket nuk po bëhet realitet...
- Vlerat e Vatës tashmë dihen nga të gjithë, duke pas parasysh edhe dëshirën e tij për të kontribuar për Vllazninë, ngaqë prej vitesh është tifoz i kësaj skuadre, ne bëmë të gjitha përpjekjet, por klubi i tij në Gjermani nuk e lejoi, pasi një aktivizim i tij mund t’i kushtonte gjashtë muaj karrierë me skuadrën e tij. Kështu që për ndeshjen e sotme, nuk është bërë e mundur që ai të jetë pjesë e Vllazniësë.
-Nëse Vllaznia kualifikohet, a ka shpresa që Vata të luaj ndaj Rapidit të Vjenës?
-Të kalojmë njëherë turin duke eleminuar Sligon, pastaj këtu jemi dhe flasim përsëri për këtë cështje. Nëse kalohet turi është cështje tjetër pastaj.
-Dhe së fundmi dicka për tifozët. Çmimi i biletave duket se i favorizon për të qenë të shumtë në ndeshjen e sotme...
-Unë vazhdimisht e kam treguar, edhe në ndeshjet e kampionatit shqiptar, edhe në ato ndërkombëtare me Koperin dhe Napolin vitin e kaluar, duke mos vendosë çmime të larta për tifozët. Kjo për arsye të respektit ndaj tyre, pasi ato janë ana e jonë më e fortë, arma më bindëse, ngrohtësia më e madhe. Ato janë lojtari i 12-të, prandaj nisur edhe nga gjendja financiare modeste që një pjesë e madhe e tyre kanë, kemi vendosur të lëmë kuotat e pranueshme duke i dhënë mundësi të gjithëve që të jenë në stadium për të festuar në këtë ndeshje të rëndësishme për Vllaznzinë. Në të njëjtën kohë do t’i kërkoja atyre që të brohorasin gjatë të gjithë ndeshjes në mbështetje të skuadrës, ashtu siç bënë edhe ata që ishin në Sligo të Irlandës, pasi skuadra ka nevojë për ta. .
burimi i marre nga sportekspres.com
Telegrafi.com - Sport
Error loading feed.
Iscriviti a:
Commenti sul post (Atom)
Nessun commento:
Posta un commento