Legjionaret

Berisha
Besart Berisha është nxjerrë në shitje nga klubi i Bërnleit. Sipas medias angleze, sulmuesi i Kombëtares shqiptare nuk bën pjesë në planet e trajnerit Ouen Koil dhe sezonin e ardhshëm duhet të luajë në një skuadër tjetër. Vetë Berisha ka shprehur dëshirën për të qenë pjesë e këtij klubi vitin e ardhshëm, aq më tepër që Bërnlei siguroi një vend në Premier Ligë.

Cana
Lorik Cana pas takimit ceremonial me presidentin e Republikës Franceze, Nikolas Sarkozi dhe kryeministrin e Britanisë së Madhe, Gordon Braun, është pjesë e një delegacionin të Olimpikut të Marsejës për t’i bërë homazhe Robert Louis-Dreyfus në qytetin zviceran të Davosit, një prej aksionarëve kryesorë të klubit francez, i cili humbi jetën para pak ditësh. Në delegacion janë dhe presidenti i Marsejës, Jean-Claude Dassier, drejtori sportiv Hoze Anigo, trajneri Didier Deschamps, si dhe lojtarët Steve Mandanda e Mamadou Niang.Pritet që gjatë këtyre ditëve, lojtari të firmosë për Hamburgun.

Ujkani
Samir Ujkani, portieri kosovar i Palermos, do të luajë sezonin e ardhshëm si huazuar me skuadrën e Novarës, që militon në Serinë C, ose siç quhet Lega Pro Divizioni i parë në grupin A. 21-vjeçari Ujkani u largua nga drejtuesit e Palermos për të fituar më shumë eksperiencë, pasi te skuadra siçiliane nuk kishte shumë hapësirë. Sezonin e kaluar luajtDritan Smajlii për rreth 30 minuta në ndeshjen Milan-Palermo (3-0, java e 33-të e Serisë A).

Bogdani
Erjon Bogdani nisi përgatitjet për sezonin e ardhshëm me Kievon, skuadrën më të cilën mbylli edhe edicionin e kaluar. Mesa duket trajneri Domeniko Di QPR e ka në listën e tij “Princin e Epirit”. Bogu dha kontributin e tij në mbijetesën e Kievos në Serinë A, dhe kjo ka shërbyer si një sinjal pozitiv për të luajtur edhe një sezon tjetër në Verona. Bogdani u përfol se mund të transferohej te Bari, një skuadër e ringjitur në Serinë A, por dhe në Angli, “QPR”-ja e famshme e Flavio Briatores.

Behrami
Valon Behrami iu rikthye fushës pas katër muajsh pas operacionit në gju, edhe pse flitet veçse më shumë për një për një shëtitje. Uest Ham nisi nën drejtimin e trajnerit Xhanfranko Zola stërvitjet e para në kuadër të përgatitjeve për sezonin e ri. Behrami parashikohet të jetë i gatshëm për të pasur disa minuta në këmbë në fund të muajit gusht. Uest Ham të shtunën do të zhvillojë miqësoren e parë kundër Grejs Atletik. Behrami u transferua vitin e kaluar nga Lacio në drejtim të skuadrës angleze dhe bëri disa paraqitje të mira në Premier Ligë.

burimi i marre nga panorama.com.al