Një trio e fundit për Canën

Në Hamburg mungon vetëm firma, por lojtari pret dhe disa “orë” Liverpulin dhe Arsenalin
KJo duhet të jetë vera më e rëndësishme futbollistike për Lorik Canën. Jo për atë që duhet të bëjë në fushën e lojës, por për firmën që do të hedhë në kontratë. Tashmë 26 vjeç Cana duhet të bëjë hapin e madh të karrierës. Dhe kur e ka tashmë shumë të pasur zgjedhja nuk është fare e lehtë. Fakti që ka luajtur në dy piaca shumë të rëndësishme si Paris dhe Marsejë e detyron lojtarin të mos jetë shumë i vendosur në zgjedhje. Ja situata, deri të premten pritet zyrtarizimi. Diku...
Marseja – lojtari dhe klubi francez kanë rënë dakord për divorcin. Klubi ka pranuar me dhimbje kërkesën e Canës për të provuar fatet diku, madje ka arritur të bindet që të mos kërkojë çmendurira për kartonin. Megjithatë francezët nuk e lëshojnë pa të paktën 10 milionë euro. Cana ka rifilluar dje stërvitjen me francezët por brenda javës pritet largimi.
Hamburg – i ati i Canës dhe menaxheri i tij kanë vizituar javën e shkuar klubin e Hamburgut. Këta të fundit plotësojnë çdo kënaqësi financiare dhe sportive të lojtarit. Vërtet Hamburgu nuk është në Ligën e kampioneve por është një klub shumë serioz në Gjermani dhe pritet që këtë vit të bëjë një investim për titull. Drejtuesit e Hamburgut i kanë ofruar menjëherë një parakontratë “Canave” megjithatë këta të fundit nuk janë ngutur. Por u ka dhënë sinjale pozitive gjermanëve. Deri të mërkurën e shkuar mendohej që të mbyllej gjithçka. Lojtari do të përfitonte një kontratë 4-vjeçare, me 2.2 milionë euro në dorë, në vit, ndërkohë që edhe Marseja do të kënaqej. Stadiumi, impiantet sportive dhe serioziteti i klubit i pëlqyen Canës. Ndërkohë që në lojë u fut edhe Volfsburgu. Pavarësisht dëshirës së madhe Cana nuk ishte i bindur nëse vërtet skuadra kampione e Gjermanisë do të përsëriste suksesin e vjetshëm apo ajo do të konsiderohej vetëm një rastësi. Dhe në këtë pikë nuk pranoi të vijonte tratativat.
Angli – ndërkohë që Cana, i ati i tij dhe menaxheri, i cili ka në “pronësi” dhe shumë lojtarë të tjerë të mëdhenj, si përshembull Drogba, ishin të bindur për kalimin te Hamburgu, “fiksimi” i vjetër i mesfushorit shqiptar, Arsen Venger shfaqet në skenë. Venger e preferon Canën në qendër të mbrojtjes dhe pasi ka parë duelin e fundit në dvd kundër Kristiano Ronaldos, në Shqipëri-Portugali, është bindur që shqiptari mund ta bëjë shumë mirë atë rol. Por që të dalin paratë për kartonin dhe rrogën e Canës duhet që klubi të shesë. Tashmë Venger po pret që Fabregas apo Adebajor të shkojnë gjetkë sipas planeve dhe menjëherë blerja e rradhës do të jetë Cana. Por a pret Cana? E ca më shumë Hamburgu? Cana ka thënë konfidecianlisht se nuk do të presë më shumë se të paktën 3 ditë dhe më pas do të vendosë për të ardhmen e tij. Në të njëjtën situatë është Liverpul. Benitez dëshiron shqiptarin por që të blehet ai, duhet që klubi të lirohet më parë nga Ksavi Alonso dhe nga Maskerano. Të dy këta futbollistë janë në shitje, dhe herët a vonë do të jenë në një destinacion të ri. Pra Cana dhe në këtë rast duhet të presë. Por a pret Hamburgu, një preferencë tjetër e lojtarit? Në rastin më ekstrem nëse i duhet të zgjedhë mes Arsenalit dhe Liverpulit do të zgjedhë skuadrën londinezëve dhe për vetë preferencat respektive që kanë me trajnerin francez Venger.
burimi i marre nga sportekspres.com